如果咁唔好彩發生交通事故,你要即刻報案通知警方到場處理同記錄事故詳情。喺警務人員未有指示之前,你唔好移動涉事車輛。等緊警務人員嘅時候,你都有嘢做㗎,不過要先確保現場情況安全:

  1. 盡量清楚拍攝整個意外現場、汽車嘅損毀位置、車牌號碼等等。因為向保險公司索償嘅時候,你可能要提交呢啲資料。
  2. 警務人員抵達前,你要留喺現場。
  3. 同涉事司機交換保險資料,以備保險公司查問。
  4. 通知保險公司。

警務人員抵達之後,遵從佢哋嘅指示同如實回問題,但一定唔好承諾任何責任同賠償!因為未攞到警方調查報告之前作出任何承諾,會影響保險索償㗎,嚴重起嚟仲會令汽車保險嘅保障失效添。