幾時要換車胎?一般有兩個準則,第一係檢查車胎上面嘅磨損標記,當磨蝕至標記水平,就係時候要換胎喇,因為無論車胎嘅抓地力同排水性能都去到極限,會增加滑行風險㗎。

第二係用時間判斷,一般車胎嘅保質期係三至五年,所以即使少用車,車胎只係輕微磨蝕,其實每隔四至五年都應該換胎。