偈油可以潤滑引擎延長壽命,而且摩擦少啲,汽油都用少啲。咁半合成同全合成兩種偈油邊種好啲?梗係全合成啦!佢係100%合成嘅機油,不論慳油、行車順暢度、抗老化、潤滑等效果都比半合成偈油好。不過涉及保養嘅嘢一分錢一分貨,所以全合成偈油比半合成貴,有時車主除咗以保養角度選擇偈油,亦會以新車定舊車嚟衡量囉。